काठमाडौं- प्रधानमन्त्री केपी शर्मा ओली र प्रमुख प्रतिपक्षी दल नेपाली कांग्रेसका सभापति शेरबहादुर देउवाबीच भेटवार्ता हुने भएको छ ।
शुक्रवार(आज) अपराह्न प्रधानमन्त्रीसँगको भेटवार्ताका लागि देउवा बालुवाटार जान लागेका हुन् ।
पछिल्लो राजनीतिक घटनाक्रम, दुईवटा अध्यादेश फिर्ता लगायतका विषयमा देउवाले प्रधानमन्त्रीसँग छलफल गर्ने स्रोतको भनाइ छ ।
सरकारले दुई वटा अध्यादेश ल्याएपछि प्रमुख प्रतिपक्षी दलले त्यसको विरोध गरेको छ ।
राजनीतिक दलसँग सम्बन्धित र संवैधानिक परिषद् सम्बन्धी अध्यादेश फिर्ता लिन आग्रह गर्दै कांग्रेसको संसदमा रहेका विपक्षीदलहरुसँग मोर्चा बन्दी नै गरेको छ ।
प्रतिक्रिया