काठमाडौं– एएफसी यू–२३ च्याम्पियनसिप छनोट अन्तगर्तको अन्तिम खेलमा नेपाल अफगानिस्तानसँग प्रतिस्पर्धा गर्दैछ । नेपाल र अफगानिस्ताबीचको खेल कतारको दोहास्थित एस्पायर एकेडेमीको ५ नम्बर मैदानमा राति पौने दश बजेबाट शुरु हुनेछ ।

दुई खेल लगातार हारेको नेपाल आजको खेलमा सान्त्वना जीतको खोजिजमा रहने छ । पहिलो खेलमा ओमानसँग १–० गोलले पराजित भएको थियो भने दोस्रो कतारसँग ५—० को अन्तरले पराजित भएको थियो । लगातार दुई खेलमा हार व्यहोरेको नेपाल समूह चरणबाट बाहिरि सकेको छ ।

अफगानिस्ताविरुद्ध मैदान उत्रिने नेपालको सुरुआती ११ मा यसअघिकै टिमले निरन्तरता पाएको छ । अफगानिस्तानविरुद्ध मिडफिल्डमा एक जना परिवर्तन गरिएको छ । यसअघि गौरव बुढाथोकिले प्लेइङ ११ मा स्थान बनाएका थिए भने आजको खेलमा उनको स्थानमा विश्वास श्रेष्ठले मैदान उत्रिन भएका छन् ।

नेपाली टोली

गोलकिपर : अर्पण कार्की
डिफेन्डर : सुमन अर्याल, अनन्त तामाङ, दिनेश राजवंशी र कमल श्रेष्ठ
मिडफल्डर : विश्वास श्रेष्ठ, नितिन थापा,सुनील बल, तेज तामाङ
स्ट्राइकर : बिमल घर्तीमगर, अन्जन विष्ट