काठमाडौं- कोरोना भाइरसको संक्रमणबाट आक्रान्त अमेरिकामा भूकम्प गएपछि स्थानीय त्रसित बनेका छन् ।

अमेरिकाको दक्षिणी ईलाकामा भूकम्पको झड्का महशुस गरिएको अन्तर्राष्ट्रिय सञ्चारमाध्यमहरुले बताएका छन् । दक्षिणी क्यालिफोर्निया र त्यसको आसपासका क्षेत्रहरुमा स्थानीय समयअनुसार मंगलबार राति १२ बजेर ३ मिनेट जाँदा भूकम्पको धक्का महशुस गरिएको हो । भूकम्पको तीव्रता ३.७ रेक्टर स्केल मापन गरिएको छ ।

युएसजीएसका अनुसार भ्यु पार्क विन्सर हिल्सको दक्षिणी क्षेत्रभन्दा एक मील दूरी टाढाको क्षेत्रमा भूकम्प गएको हो । भूकम्पले कुनै क्षति नगरेको बताइएको छ ।

सन् १९९३ मा पनि त्यहाँ ६.४ म्याग्निच्युडको भूकम्प गएको थियो । दक्षिणी क्यालिफोर्नियामा भूकम्पको धक्का महशुस गरिएको थियो ।

टोरेन्सको दक्षिणी खाडीमा भूकम्प गएपछि मानिसहरु घर बाहिरको सडकमा निस्किएका थिए ।