काठमाडौं-  विश्वव्यापी महामारीको रुपमा फैलिएको कोरोना भाइरसको सम्भावित जोखिम रोक्न नेपालमा लकडाउन लागू गरिएको आज २९ औं दिन पुगेको छ ।

करिव एक महिना लकडाउन हुँदा दैनिक मजदुरी गर्नेहरुको अवस्था एकातिर दयनीय बन्दै गएको छ भने अर्को तिर कोरोनाको संक्रमण फैलिन सक्ने खतारमा मानिसहरु चिन्तित छन् ।

लकडाउनका कारण सडक सुनसान बनेका छन् । अत्यावश्यकीय बाहेकका सवारी साधन चल्न दिइएको छैन भने अनावश्यक घर बाहिर निस्किनेहरुमाथि समेत प्रहरीले कडा निगरानी बढाएको छ ।

यसैबीच आज विहानै देखि काठमाडौं उपत्यका लगायतका क्षेत्रमा वर्षा भइरहेको छ । स्थानीय र पश्चिमी वायुको प्रभावले आज (मंगलबार) बिहानैदेखि वर्षा भइरहेको मौसम विभागले जनाएको छ ।

अहिले काठमाडौं उपत्यकासहित बागमती प्रदेशका अधिकांश जिल्ला, प्रदेश २, गण्डकी प्रदेश, प्रदेश ५ र कर्णाली प्रदेशका जिल्लामा पानी परिरहेको जनाइएको छ ।

सुनसान सडक र वर्षे झरीमा देखिएको काठमाडौंका केही तस्वीर यस्ता छन्-