सल्यान – सल्यानमा र्‍यापिड टाइग्नोष्टिक विधिबाट गरिएको कोरोना भाइरसको परीक्षणमा एक जनामा पोजेटिभ देखिएको छ ।

आरडिटी बिधिबाट सोमबार श्रीनगरमा परीक्षण गरिदा एक युवाको रिपोर्ट पोजेटिभ आएको जिल्ला स्वास्थ्य कार्यालय सल्यानका प्रमुख अर्जुन बुढाले जानकारी दिए ।

आरडीटी रिपोर्ट पोजेटिभ देखिएका युवाको मंगलबार स्वाव संकलन गरेर कर्णालीस्थित सुर्खेतको प्रयोगशालामा पठाइने बुढाले बताए ।

शारदा नगरपालिका १ चैबाङजिउलाका ती युवा गत चैत ५ गते युएईबाट नेपाल आएका थिए । उनलाई अहिले जिल्ला अस्पताल सल्यानको आइसुलेसनमा राखिएको छ ।

उनको परिवारलाई पनि अस्पतालमा ल्याएर र्‍यापिड डाइग्नोष्टिक टेष्ट (आरडीटी) गर्न लागेको प्रमुख बुढाले बताए ।सल्यानमा अहिलेसम्म र्‍यापिड डाइग्नोष्टिक टेष्ट (आरडीटी) गरिएका अरु ६ सय ७३ जनाको रिपोर्ट नेगेटिभ आएको छ ।