काठमाडौं- प्रहरी प्रधान कार्यालयले १० जना प्रहरी नायब महानिरीक्षक (डीआइजी)को पदस्थापन गरेको छ।

प्रहरी प्रधान कार्यालयले पदस्थापन गरेकामध्ये सात जनालाई प्रदेश प्रमुखको जिम्मेवारी दिइएको छ । यसरी जिम्मेवारी पाउनेमा प्रदेश नम्बर १ मा ईश्वरबाबु कार्की, २ मा धिरजप्रताप सिंह, बागमतीमा बसन्त लामा र गण्डकी प्रदेश घनश्याम अर्याल रहेका छन्।

त्यस्तै, प्रदेश ५ मा रविन्द्र धानुक, कर्णाली प्रदेशमा बसन्त पन्त र सुदूरपश्चिम प्रदेशमा उत्तम सुवेदीलाई पदस्थापन गरिएको हो ।

यसैगरी, सीआईबीमा सहकुल थापालाई पदस्थापन गरिएको छ। थापा यसअघि अपराध महाशाखाका प्रमुख थिए। विशेष ब्युरोमा प्रद्युम्न कार्कीलाई सरूवा गरिएको छ। प्रदेश २ को डीआइजीमा प्रद्युम्न कार्की थिए।

त्यस्तै, प्रहरी प्रधान कार्यालयमा निरज शाहीलाई पठाइएको छ। प्रहरी तालिम केन्द्रको जिम्मेवारी प्रकाशजंग कार्कीलाई दिइएको छ भने अख्तियार अनुसन्धान कार्यालयमा अरूण बिसीलाई पठाइएको छ।