हुम्ला-  हुम्लाबाट सुर्खेत पठाइएका नौ वटा शंकास्पद स्वाबको रिपोर्ट नेगेटिभ आएको छ ।

पिसिआर परीक्षण जिल्लामा नहुदा सुर्खेतमा पठाइएका ती स्वाबहरु परीक्षण पछि रिपोर्ट नेगेटिभ आएको हो ।

भारतका काम तथा ब्यापार गरि जिल्ला भित्रिएर क्वारेन्टाईनमा बसेका नौ जनाको स्वाब संकलन गरि पिसिआर परिक्षणका लागि सुर्खेत पठाइएको र ती स्वाबहरुको सुर्खेतमा परिक्षण हुदा रिपोर्ट नेगेटिभ आएको स्वास्थ्य सेवा कार्यालय प्रमुख प्रेमबहादुर सिंहले बताए ।

यस अघि जिल्लामै आडीटि किटबाट उहाँहरुको रगत परिक्षण गर्दा पनि रिपोर्ट नेगेटिभ आएको थियो । तर पनि भारतबाट आएको हुदा कर्णाली प्रदेशको सामाजिक मन्त्रालयको अनुरोधमा उनीरुको नौ जनाकै स्वाब सुर्खेत पठाइएको थियो । 

प्रमुख सिंहले रिपोर्ट नेगेपिटभ आएपछि हुम्ला हालसम्म सुरक्षित रहेको बताए ।

गत बिहीबार उनीहरुको स्वाब संकलन गरिएको भएपनि हवाई जहाजहरुले बोक्न नमान्दा सुर्खेत पठाउन सकिएको थिएन ।

शनिबार निक्कै छलफलपछि अन्तिम फ्लाईटमा तारा एयरले सो स्वाब बोक्न मानेपछि मात्र सुर्खेत पठाउन सकिएको थियो । 

यता स्वाब संकलन गरेर सुर्खेत पठाईएका नौ जनालाई स्वाबको रिपोर्ट नआउदै घर पठाइएको थियो ।