रौतहट- कोरोना भाइरसको त्रासका बीच मध्य तराईमा शुक्रबार राति असिनापानीसहित आएको हावाहुरीले प्रदेश २ का अधिकांश स्थानमा उत्तरी वितण्डा मच्चाएको छ । खासगरी उत्तरी क्षेत्रमा बढी असर परेको छ ।
हावाहुरीसहित आएको असिना पानीले गहुँ, दलहन, तरकारी, मेवा, केरा र मकैबालीमा क्षति पुर्याएको छ ।
तीव्रगतिको हुरीले घरमा छाना उडाएको छ । ठूला असिना परेकोले छानका टायल र खपडा फुटेका छन् । धेरै ठाउँमा छाप्राहरू ढलेका छन् ।
कतिपय ठाउँमा हुरीले रूखसमेत ढालेको छ ।
किसानहरूले सरकारले बालीका पुगेको क्षतिमा क्षतिपूर्ति दिनुपर्ने माग गरेका छन् । लकडाउनले आफ्ना कृषि उत्पादन बेच्न नपाएका किसानहरु फेरि अर्को मारमा परेका छन् ।
प्रतिक्रिया