एजेन्सी– युरोपा च्याम्पियनसिप छनोट अन्तरर्गतको खेलमा पोर्चुगलले सर्बियासँग बराबरी खेलेको छ । गएराति भएको खेलमा घरेलु मैदानमा पोर्चुगलले सर्बियासँग १—१ गोल बराबरी खेलेको हो ।

३१ औं मिनेटमा चोट लागेपछि कप्तान रोनाल्डो मैदानबाट बाहिएका थिए । रोनाल्डो मैदानमै हुँदा सर्बियाले १ गोलले नेतृत्व गरिरहेको थियो । तर, विपक्षी खेलाडीले फाउल गरेपछि उनी घाइते भए ।

खेलको ७ औं मिनेटमा पाएको पेनाल्टी लाई सर्बियाका दुसान टेडिकले गोल गर्दै पोर्चुगलविरुद्ध अग्रता दिलाएका हुन् ।

सर्बियाविरुद्ध शुरुवातमै पछि परेको पोर्चुगलका लागि डानिलो पेरेइराले गोल ४२ औं मिनेटमा गोल गर्दै पोर्चुगललाई खेलमा फर्काएका थिए । पहिलो हाफमा १—१ गोलको बराबरी भएपनि पोर्चुगलले दोस्रो हाफमा गोल थप्न नसक्दा बराबरी खेलेको हो ।

पोर्चुगलले यसअघिको पहिलो खेलमा पनि युक्रेनसँग गोलरहित बराबरी खेलेको थियो ।