मुम्बई – बलिउड अभिनेत्री परिणीति चोपडाले सामाजिक सञ्जालबाट दूरी बढाउने निर्णय गरेकी छिन् । भारतमा चलिरहेको लकडाउनका बेला कलाकार सामाजिक सञ्जालमा झनै सक्रिय भइरहेका बेला उनी भने केही समयका लागि भन्दै सामाजिक सञ्जालबाट टाढिएकी हुन् ।
परिणीतिले लेखेकी छिन् – केही दिनका लागि सामाजिक सञ्जालबाट टाढा हुन जरुरी देखिएको छ, तपाईंहरुसँग फेरि भेट हुनेछ ।
हालै परिणीतिले आफूलाई दुलहीको रुपमा सजाएको तस्वीर सामाजिक सञ्जालमा शेयर गरेर फ्यानको मन जितेकी थिइन् ।
करिअरको कुरा गर्नुपर्दा उनी फिल्म ‘सन्दीप और पिंकी फरार’ दर्शकमाझ आउँदैछिन् । यो फिल्ममा अर्जुन कपूरको पनि अभिनय देख्न सकिनेछ ।
प्रतिक्रिया