काठमाडौं-  त्रिवि शिक्षण अस्पताल महाराजगञ्जका तीन जना डाक्टरमाथि भएको कुटपिटको घटनाबारे छानविन गर्न समिति गठन गरिएको छ ।

बुधवार साँझ ड्युटी सकेर घर फर्कने क्रममा अ‌ाफूहरुलाई महानगरीय प्रहरी वृत महारागञ्जको टोलीले हातपात तथा दुर्व्यवहार गरेको तीनजना डाक्टरले लगाएका थिए ।

अ‌ाफूहरुलाई प्रहरीले कुटपिट गरेकाे डाक्टरहरु शम्भु खनाल, तेजप्रकाश साह र विकास शाहले बताएका हुन् ।

घटना छानविनका लागि महानगरीय प्रहरी कार्यालयले प्रहरी वरिष्ठ उपरिक्षक (एसएसपी) किरण बज्राचार्यको नेतृत्वमा तीन सदस्यीय समिति बनाएकाे छ ।

समितिमा महानगरीय अपराध महाशाखाका एसपी मुकेश सिंह र महानगरीय प्रहरी परिसर काठमाडौंका डिएसपी होविन्द्र बोगटी सदस्य छन् ।

राष्ट्रिय आवासीय चिकित्सक संघले विज्ञप्ति निकालेर कुटपिटको घटना छानविन गरी दाेषीलाई कारवाही नगरे कडा कदम चाल्ने चेतावनी दिएकाे छ ।

यो पनि पढौं

‘ड्यूटी’ सकेर घर जाँदै गरेका त्रिविका तीन जना चिकित्सकमाथि प्रहरीद्वारा कुटपिट