नेपालमा पछिल्लो समय दक्षिण भारतीय फिल्मप्रति पनि दर्शकको आकर्षण बढ्दो छ । युट्युबमा रिलिज गरिएका धेरैजसो फिल्म नेपालमा एकाएक ट्रेन्डिङमा पुग्ने गरेका छन् । बलिउडका फिल्म युट्युब रिलिज नगरिने कारण पनि दक्षिण भारतीय फिल्म बढी हेर्ने गरिन्छ ।
हामीले यहाँ दक्षिण भारतीय उत्कृष्ट फिल्मको चर्चा गर्दैछौं ।
बाहुबली
प्रभास स्टारर फिल्म ‘बाहुबली’ माहिस्मती राज्यको राजपरिवारको कथा देखाइएको छ । फिल्ममा शक्तिशाली बन्नका लागि परिवारमा हुने छलकपटलाई देखाइएको छ ।
‘बाहुबलीः द बिगनिङ’ र ‘बाहुबलीः द कन्क्लुजन’ गरी दुई भागमा निर्माण गरिएको फिल्म दक्षिण भारतीय फिल्म उद्योगकै सुपरहिट फिल्ममध्ये एक हो । यसका दुवै भाग उत्तिकै दमदार छन् ।
एकका दम (नेनोक्कादिने)
सन् २०१४ मा प्रदर्शनमा आएको यो फिल्ममा आफ्ना बाबुआमाको ज्यान लिने दुष्मनको बदला लिन चाहने एक रकस्टारको कथा फिल्ममा देखाइएको छ । साइकोलोजिकल थ्रीलर यो फिल्ममा महेश बाबुसँगै कृति सेननको अभिनय पनि देख्न सकिन्छ ।
विक्रम भेदा
यो फिल्ममा एक खलनायक र एक सन्काहा प्रहरी अफिसरको कथा देखाइएको छ । आफूलाई पक्राउ गर्न खोज्ने अफिसर(विक्रम)को जीवनमा भेदाले सकारात्मक परिवर्तन ल्याउन खोज्छ । दुईको द्वन्द्वलाई फिल्ममा गज्जबले प्रस्तुत गरिएको छ ।
२४
सुरियाको यो फिल्ममा टाइम ट्राभलको कथा देखाइएको छ । घडी मेकानिकले बनाएको एक घडीले २४ घण्टा अगाडि र पछाडि समय यात्रा गर्न सकिने कथा देखाउँछ ।
बाबुले बनाएको घडीले छोराको जीवनमा ल्याएको परिवर्तनलाई फिल्ममा देखाइएको छ ।
थिरन
सन् २०१६ को यो फिल्ममा प्रहरी अफिसले एक खतरनाक खलनायकलाई पक्राउ गर्न गरिएको कथालाई देखाइएको छ ।
भेदलम
एक दाइ, जो क्याब ड्राइभर हुन्छ । उसले आफ्नी बहिनीलाई चोट पुर्याउनेसँग कसरी बदला लिन्छ भन्ने कथा फिल्ममा देखाइएको छ ।
मुफ्ती
यो एक एक्सन क्राइम थ्रीलर फिल्म हो । फिल्ममा एक अन्डरकभर प्रहरी एक डनलाई मार्नका लागि डनकै मान्छे बनेर काम गरेको देखाइएको छ ।
विश्वरुपम
सन् २०१३ मा प्रदर्शनमा आएको यो फिल्मलाई कमल हसनले निर्देशन गरेका हुन् । यो एक्सन स्पाइ फिल्मको दोस्रो भाग सन् २०१८ मा रिलिज भएको थियो ।
एक क्लासिक नर्तकको जीवनको कालो पाटोलाई फिल्ममा देखाइएको छ ।
आइ
विक्रम स्टारर एस शंकरको फिल्म ‘आइ’ मा एक बदलाको कथा देखाइएको छ । फिल्ममा एमी ज्याक्सनको पनि अभिनय छ ।
सन अफ सत्यमूर्ति
अल्लु अर्जुनको शीर्ष भूमिका रहेको फिल्म ‘सन अफ सत्यमूर्ति’ खराब व्यक्तिलाई प्रेम गर्न सिकाइएको छ । फिल्ममा प्रेम र एक्सनलाई कथानक बनाइएको छ ।
प्रतिक्रिया