मुम्बई – कोरोना भाइरससँगको लडाइँमा डाक्टर, नर्स र अन्य मेडिकल स्टाफले ज्यानको बाजी लगाएका छन् । यसैबीच बलिउड सुपरस्टार शाहरुख खानले महाराष्ट्रको फ्रन्टलाइन मेडिकल स्टारको सुरक्षाका लागि २५ हजार पीपीई किट दिएका छन् ।
यसको जानकारी महाराष्ट्रका स्वास्थ्यमन्त्री राजेश टोपेले ट्वीट गरेर दिएका हुन् । उनले भनेका छन्, ‘यो हेल्थकेयर वर्कर्सका लागि सहयोगी हुनेछ ।’
स्वास्थ्यमन्त्रीले शाहरुखलाई धन्यवाद दिँदै ट्वीट गरेका छन् । मुख्यमन्त्रीले केन्द्र सरकारसँग एन९५ मास्क, पीपीई र ग्लब्स जस्ता सुरक्षा सामग्री उपलब्ध गराइदिन अनुरोध गरेका थिए ।
स्वास्थ्यमन्त्रीको ट्वीटमा जवाफ दिँदै शाहरुले धन्यवाद व्यक्त गरेका छन् । उनले भनेका छन्, ‘किट मगाउनमा तपाईंले जुन सहयोग गर्नुभयो, त्यसका लागि आभारी छु ।’
शाहरुखले यसअघि पनि कोरोनाविरुद्धको लडाइँका लागि भन्दै सहयोग गरिसकेका छन् ।
Thank you sir for all your help to source the kits. We are all together in this endeavour to protect ourselves and humanity. Glad to be of service. May your family & team be safe and healthy. https://t.co/DPAc7ROh7i
— Shah Rukh Khan (@iamsrk) April 13, 2020
प्रतिक्रिया