काठमाडौं- नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले सामाजिक न्यायसहितको समृद्ध नेपाल निर्माणमा जोड दिएका छन् ।

उनले आम नेपालीले साँचेको सुखी नेपालीको सपना समेत पूरा हुने आशा व्यक्त गरेका छन् । नयाँ वर्ष २०७७ सालको शुभकामना व्यक्त गर्दै अध्यक्ष प्रचण्डले भनेका छन्,  ‘इतिहासले सुम्पेको कठिन जिम्मेवारीसहित आगमन भएको नयाँ वर्षले महामारीको अन्त्यसँगै आम नेपालीले साँचेको सुखी नेपाली तथा सामाजिक न्यायसहितको समृद्ध नेपाल निर्माणको सपना पूरा गर्न विशेष प्रेरणा देओस् ।’

अध्यक्ष प्रचण्डले नयाँ वर्ष २०७७ को पूर्व सन्ध्यामा आज जारी विज्ञप्तिमा विश्वव्यापी रुपमा फैलिएको कोरोना भाइरसकझ महामारीको अन्त्यसँगै सुख र समृद्धीको कामना समेत गरेका छन् ।