काठमाडौं- कोरोना भाइरसका कारण विश्वभर एक लाख पाँच हजार भन्दा धेरै मानिसले ज्यान गुमाएका छन् ।

विश्व स्वास्थ्य संगठनले महामारीको घोषणा गरेको कोभिड १९बाट शनिवार राति १० बजेसम्म विश्वभर १७ लाख २७ हजार ५ सय ६ जना संक्रमित भएका छन् ।

त्यस्तै ३ लाख ९० हजार ६ सय ९८ जना कोरोना भाइरसको संक्रमणबाट निको भएका छन् ।

वर्ल्ड मिटरको तथ्यांक अनुसार कोरोना भाइरसका कारण अहिलेसम्म अमेरिकामा सबैभन्दा धेरै मानिसको ज्यान गएको छ ।

अमेरिकामा ५ लाख ६ हजार मानिसमा कोरोना भाइरसको संक्रमण देखिदा १९ हजार ६६६ जनाले ज्यान गुमाएका छन् ।

त्यस्तै संक्रमितको हिसाबमा स्पेनमा १ लाख ६१ हजार ८ सय दोस्रो नम्बरमा रहेका छन् । भने ज्यान गुमाउनेको संख्या १६ हजार ३ सय ५३ रहेको छ ।

त्यस्तै इटालीमा १ लाख ४७ हजार जना संक्रमित हुँदा १८ हजार ८ सय ४९ जना जनाले ज्यान गुमाएका छन् ।

त्यस्तै फ्रान्समा १३ हजार १ सय ९७ जनाले ज्यान गुमाउदा जर्मनीमा २ हजार ७ सय ३६ जनाले ज्यान गुमाएका छन् ।

चीनमा २ हजार ३३९ जनाले ज्यान गुमाउँदा बेलायतमा ९ हजार ८ सय ७५ जनाले ज्यान गुमाउँदा इरानमा ४ हजार ३ सय ५७ जनाले ज्यान गुमाएका छन् ।

त्यस्तै छिमेकी मुलुक भारतमा २४९ जनाले ज्यान गुमाएको वर्ल्ड मिटरले जनाएको छ ।