काठमाडौं– प्रधानमन्त्री केपी शर्मा ओलीले कोरोना भाइरसको संक्रमण रोक्ने कार्यमा थप २ हप्तासम्म चुनौती थपिन सक्ने बताएका छन् ।

मंगलबार देशबासीका नाममा सम्बोधन गर्दै प्रधानमन्त्री ओलीले महामारीको संक्रमण फैलिन नदिन सबै प्रयास जारी राखिएको उल्लेख गर्दै त्यसका बाबजुद २ हप्ता थप चुनौती थपिन सक्ने बताए ।

‘अझै पनि थप दुई साता थप चुनौती हुन सक्छ,’ प्रधानमन्त्री ओलीले भने, ‘यस बीचमा माहारीको संक्रमण फैलिन नदिन सबै प्रयास गरिने छ । ¥यापिड टेस्ट किटले संक्रमण पहिचानमा सघाउने विश्वास लिएका छौं ।’

अहिले देखिएको संकटको कालो बादल छिट्टै हटेर जाने विश्वास लिएका प्रधानमन्त्री ओलीले त्यसबेला सम्मका लागि सबैले आफू रहकै स्थानमा सुरक्षित साथ बस्नुपर्ने बताए ।

‘जो जहाँ छौं त्यही सरक्षित रहौं । संकटको काले बादल हटेर जानेछ,’ प्रधानमन्त्री ओलीले भने, ‘आफ्नो सीमा भित्र रहेका मानिसको रक्षा गर्नु सबै देशका सरकारको दायित्व हो । हाम्रो विश्वास छ विदेशमा रहेका नेपालीले पनि त्यहीको सरकारबाट माया पाउनुहुनेछ ।’