न्यूयोर्क – कोरोना भाइरसका कारण प्यारामाउन्ट पिक्चर्सको फिल्म ‘टप गन: म्याभरिक’ को रिलिज मितिमा हेरफेर गरिएको छ । २४ जुनमा रिलिजको तयारीमा रहेको यो फिल्म अब भने २३ डिसेम्बरमा रिलिज हुने भएको छ ।

टम क्रुज स्टारर सन् १९८६ को क्लासिक फिल्मको सिक्वेल ‘टप गन: म्याभरिक’ हलिउडको प्रतीक्षित फिल्ममध्ये एक हो ।

प्यारामाउन्टले यसअघि ‘अ क्वाइट प्लेस २’ लाई पनि स्थगित गरेको थियो ।

कोरोना भाइरसका कारण हलिउडका फिल्मले रिलिज मिति पछाडि सारेका छन् भने लाखौं फिल्म क्षेत्रका प्राविधिक रोजगारविहीन बनेका छन् ।

‘टप गन म्याभरिक’ १५० मिलियन डलरमा बनेको फिल्म हो । फिल्मले फाइदा उठाउनका लागि बढीभन्दा बढी टिकट विक्री गर्नुपर्ने हुन्छ ।

कोरोनाका कारण विश्वव्यापी माहोल नबनेकाले फिल्मको रिलिज मिति सरेको हो ।