एजेन्सी– विश्वभर महामारीको रुप लिएको कोरोना भाइरस (कोभिड–९)को संक्रमण भारतमा ज्यान गुमाउनेको संख्या ६८ पुगेको छ ।

भारतमा बिहीबार मात्रै कोरोना भाइरसबाट संक्रमित १० जनाले ज्यान गुमाएसँगै कोरोनाका कारण मृत्यु हुनेको संख्या ६८ पुगेको हो।

बिहीबार मात्रै भारतमा ३ सय ६३ जना कोरोना भाइरसका नयाँ संक्रमित भेटिएका छन्। हालसम्म २ हजार ३ सय ४१ जनामा कोरोना भाइरसको संक्रमण पुष्टि भएको छ।

चीनको वुहान शहरबाट सुरु भएकाे कोरोना भाइरसको प्रकोप यतिबेला विश्वभर फैलिएको छ। चीनमा संक्रमण केही नियन्त्रणमा आएपनि अन्यत्र भने संक्रमण घट्नुको साटो दिन प्रतिदिन बढिरहेको छ।

विश्वभर हालसम्म ९ लाख ८१ हजारभन्दा बढी मानिसहरु संक्रमित भएका छन् भने ५० हजारभन्दा बढीको मृत्यु भएको छ।