काठमाडौं– अमेरिकाले नेपालमा रहेका आफ्ना नागरिकमध्ये करिब ३ सय जनालाई उद्दार गरी मंगलबार स्वदेश लगेको छ ।

नेपालस्थित अमेरिकी दूतावासको संयोजनमा नेपालमा रहेका करिब ३ सय अमेरिकी नागरिकहरु चाटर्ड उडानमार्फत नेपालबाट अमेरिकाका लागि उडेका हुन् ।

कतार एयरको चाटर्ड उडानमार्फत उनीहरु स्वदेशतर्फ प्रस्थान गरेका हुन् ।

नेपालबाट उडेको जहाज कतारको दोहा हुँदै अमेरिका लाग्ने बुझिएको छ ।

नेपालस्थित अमेरिकी दूतावासले पर्यटन बोर्ड र नेपाल नागरिक उड्डय प्राधिकरण र गृह मन्त्रालयको सहयोगमा देशका विभिन्न ठाउँमा रहेका आफ्ना नागरिकलाई सोमबार काठमाडौंमा जम्मा गरेको थियो ।

काठमाडौंमा जम्मा भएकाहरुलाई मंगलबार कतार एयरवेजका चाटर्ड फ्लाइटमार्फत स्वदेश पठाइएको हो ।

यसअघि युरोपेली संघ (ईयू)को संयोजनमा पनि नेपालमा रहेका युरोपेली देशका नागरिकहरुलाई उद्दार गरी स्वदेश पठाइएको थियो ।