एजेन्सी – कोरोना भाइरस (कोभिड १९) को असर र प्रभावबाट खेलकुद क्षेत्र टाढा रहन सकेको छैन।

विश्वभरका फुटबल गतिविधिहरु अनिश्चितकालका लागि बन्द छन् भने विस्तारै क्लब, खेलाडी र प्रशिक्षकहरुमा आर्थिक समस्याशृजना हुँदै आएको छ ।

युनियन अफ युरोेपियन फुटबल एसोसिएसन (युईएपए) ले समेत युरो२०२० लाई २०२१ सम्मका लागि स्थगित गरिसकेको छ ।

यस्तैजारी च्याम्पियन्स लिगको फाइनल र युरो लिग कहिले हुने भनेर घोषणा हुन सकेको  छैन् ।

जारी रहेका प्रतियोगिताहरु रोकिँदा क्लब र लिगलाई ठूलो घाटा भएको छ ।

खेलकुद सम्बन्धि पत्रिका मार्काका अनुसार स्पेनमा मात्रै ७ सय मिलियन युरो र युरोपभरमा ७ विलियन युरो टेलिभिजन राइट्सबाट मात्रै घाटा भएको छ ।

यसले गर्दा पनि इटाली, नेदरल्यान्ड्स र स्पेनमा जारी सिजन टुङ्ग्याउनु नै राम्रो हुन सक्छ ।

यता खेलाडीको हकमा पनि उनीहरुको तलबकाटिएको छ भने उनीहरुले खेल्न पाएका छैनन् ।

यी समस्यासँगै सरुवा बजारमा पनि पैसाको अभाव हुने देखिएको छ । जसले गर्दा खेलाडीको मूल्यमा गिरावट आउन सक्ने आँकलन गर्नथालिएको छ ।