काठमाडौं– स्पेनको महारथि फुटबल क्लब बार्सिलोनाले नोबेल कोरोना भाइरस (कोभिड १९) का कारण क्लबलाई आर्थिक भार परेको भन्दै खेलाडीको तलब काट्ने निर्णयमा खेलाडी सहमति जनाएका छन् ।

विश्वव्यापी महामारीका रुपमा फैलिएको कोरोना भाइरससँग जुदिरहँदा क्लबलाई पर्न गएको घाटामा केहीसहज होस् भने आफूहरु क्लबको निर्णयमा हमत भएको कप्तान लियोनम मेस्सीले बताएका छन् ।

उनले आफ्नो इन्टाग्राम एकाउन्टमा क्याप्सन लेख्दै उक्त निर्णयको स्वागत गरेका हुन् । योसँगै बार्सिलोनाले आफ्ना खेलाडीको तलबबाट ७० प्रतिशत काट्नेछ ।

कोरोना भाइरसका कारण लामो समयसम्म खेल गतिविधि नभएपछि क्लबलाई पर्न गएको आर्थिक समस्याको केही हदसम्म हल हुने योजनासहित खेलाडीहरु क्लबलाई सहयोग गर्न सहमत भएका हुन् ।

यसअघि पनि स्पेन र युरोपका अन्य क्लबहरुले खेलाडीबो तलब कटौति गर्ने निर्णय गरिसकेका छन् ।