अष्ट्रेलियामा आप्रवासनको आशमा दक्षिण प्रशान्त मुलुक नउरुको बन्दीगृहमा रहेका अन्तिम ४ बालबालिकालाई अमेरिका पठाइने भएको छ ।

अमेरिका र अष्ट्रेलियाबीच भएको आप्रवासनसम्बन्धी सम्झौता अनुसार नउरुको बन्दीगृहमा रहेका अन्तिम ४ बालबालिकालाई अमेरिका पठाउन लागिएको हो ।

गत अगष्टमा मात्रै त्यहाँ १ सय ४ बालबालिका थुनामा रहेका थिए । अमेरिका पठाइन लागेका ४ बालबालिका उक्त जेलमा रहेका अन्तिम बालबालिका रहेको बताइएको छ ।

उनीहरुलाई आफ्ना आफन्तसहित अमेरिका पुर्याइन लागिएको हो । अष्टे«लियाका प्रधानमन्त्री स्कट मोरिसनले आइन्दा त्यहाँ कोही बालबालिकालाई पनि बन्दी नबनाइने जनाएका छन् ।

अष्टे«लियाले आप्रवासन अनुमति प्राप्त गर्नुअघि अवैध आप्रवासीलाई नउरु लगायतका टापुमा बन्दी बनाउने गरेको छ । आप्रवासीलाई बन्दी बनाइएको स्थानमा ठूलो मानवीय संकट उत्पन्न हुने गरेको प्रतिवेदन सार्वजनिक हुने गरेका छन् ।