काठमाडौं– रुपन्देहीका बुटवलस्थि कोरोना विशेष अस्पतालमा मृत्यु भएका व्यक्तिको कोरोना परीक्षण हुने भएको छ ।

स्वास्थ्य तथा जनसंख्या मन्त्रालयले कोरोना संक्रमणबारे जानकारी दिँदै बुटवलको कोरोना विशेष अस्पतालमा भर्ना भएका व्यक्तिको कोरोनाको परीक्षण हुने जाकारी दिएको हो ।

कोरोनाको आशंकामा भर्ना भएका व्यक्तिको मृत्यु भएपनि उनको कोरोना परीक्षणका थ्रोड स्वाबको नमुना संकलन भइसकेको र राष्ट्रिय जनस्वास्थ्य प्रयोगशालामा ल्याइँदै गरेको स्वास्थ्य मन्त्रालयका प्रवक्ता डाक्टर विकास देवकोटाले बताए ।

उनको मृत्युको कारण कोरोना संक्रमण हो वा होइन भन्नेबारे परीक्षणको नजिता आएपछि मात्र जानकारी हुने प्रवक्ता देवकोटाले बताए ।

‘बुटवलमा क्वारेन्टाइमा राखेको व्यक्तिको मृत्यु भएको कुरा आएको छ, ती व्यक्तिको नमुना संकलन गरेर यहाँ आउने क्रममा छ,’ प्रवक्ता देवकोटाले भने, ‘त्यसको विषयमा थप कुरा नमुना परीक्षण पछि नै जानकारी हुन्छ, अहिलेसम्म नमुना परीक्षण नभइसकेको मैले जानकारी गराए ।’