मुम्बई – जोन अब्राहमको हिट फिल्म ‘सत्यमेव जयते’ को सिक्वेल ‘सत्यमेव जयते २’ ले यसै वर्ष गान्धी जयन्तीको अवसर पारेर अक्टोबरमा रिलिज हुँदैछ ।

निर्देशक मिलाप फिल्मलाई लिएर उत्साहित छन् । केही समयअघि फिल्ममा समावेश जोन अब्राहमको लूक सार्वजनिक गरिएको थियो । उक्त लूकमा जोन बर्दी लगाएका थिए ।

यतिबेला फिल्म निर्देशक मिलाप जावेरीले ट्वीट गर्दै अर्को एक खबर सार्वजनिक गरेका छन् । उनका अनुसार फिल्म ‘सत्यमेव जयते ३’ को कथा फाइनल भइसकेको छ ।

मिलामले ट्वीटमार्फत भनेका छन्, ‘घर बस्दाको फाइदा, सत्यमेव जयतेको कहानी पनि पत्ता लगाए, के भन्छौ जोन? जब कोरोनाको प्रभाव दुनियाँबाट हट्नेछ, त्यसपछि यसको तेस्रो सिक्वेल पनि शूटिङ हुनेछ ।’

उनका अनुसार फिल्मको तेस्रो सिक्वेल पनि बन्नेछ । उक्त फिल्ममा पनि जोनको शीर्ष भूमिका हुनेछ ।

कोरोना भाइरसका कारण भारतमा पनि लकडाउन गरिएको छ । जसका कारण कुनै पनि नयाँ फिल्म चलेका छैनन् भने फिल्मको शूटिङ पनि भइरहेको छैन ।