काठमाडौं- कोरोना भाइरस संक्रमणलाई रोक्न भन्दै सरकारले गरेको लकडाउनका कारण नेपालमा अलपत्र परेका ६ सय ८ जना विदेशी पर्यटकको उद्धार गरिएको छ।
शनिबार कतार एयरवेजका दुईटा वाइडबडी विमानले काठमाडौंबाट उनीहरुको उद्धार गरेको हो ।
दोहाबाट शनिबार बिहान काठमाडौंस्थित त्रिभुवन अन्तर्राष्ट्रिय विमानस्थलमा केही मिनेटको अन्तरमा अवतरण गरेका दुईटा चार्टरविमानबाट उनीहरुलाई दोहा लगिएको हो । त्यहाँबाट उनीहरु आफ्ना मुलुकका लागि हुने नियमित उडानमा स्वदेश फर्किने छन् ।
शनिबार भएका दुईटा चार्टर उडानमध्ये जर्मन दुताबासको दोस्रोपटक हो । उसले शुक्रबार पनि काठमाडौंबाट ३ सय ४ जना जर्मनसहितयुरोपियनलाई स्वेदश पठाएको थियो ।
प्रतिक्रिया