विराटनगर– प्रदेश १ सरकारले कोरोना भाइरस कोभिड–१९ को जोखिम नियन्त्रणका लागि लागू  भएका लकडाउनका कारण समस्यामापरेका विपन्न परिवारलाई राहत प्याकेज ल्याउने भएको छ ।

प्रदेश नं १ का मुख्यमन्त्री शेरधन राईले न्यून आय भएका दैनिक ज्यालादारीमा काम गर्ने श्रमिकहरूलाई आर्थिक प्याकेज उपलब्ध गराउनेविषयमा सरोकारवालासँग छलफल गरेका छन् ।

मुख्यमन्त्री तथा मन्त्रिपरिषद्को कार्यालय प्रांगणमा बोलाइएको सर्वपक्षीय बैठकमा खाद्यान्न तथा दैनिक उपभोग्य सामानको आपूर्तिसहज बनाउने साथै न्यून आय भएका श्रमिकहरूलाई राहत दिनेबारे छलफल भएको हो ।

लकडाउनका कारण दैनिक रोजिरोटीमा समस्या भएकाहरूको तथ्यांक संकलन गरी उनीहरूलाई राहत दिने तयारी गरएको छ । एक दुई दिनमा राहत प्याकेज घोषणा गर्ने तयारी भएको मुख्यमन्त्रीको सचिबालयले जानकारि दियो।