काठमाडौं– काठमाडौंस्थित अमेरिकी राजदूतावासले नेपालमाा रहेका आफ्ना नागरिक स्वदेश फर्काउन नेपाल सरकारसँग औपचारिक प्रक्रिया शुरु गरेको जनाएको छ ।

दूतावासले विज्ञप्ति जारी गर्दै आफ्ना नागरिक स्वदेश फर्काउनका लागि आवश्यक प्रक्रिया थालिएको जनाएको हो ।

नेपाल सरकारले आफ्ना नागरिक स्वदेश फर्काउने अनुमति दिएको खण्डमा उनीहरुको उडान विकल्पबारे ध्यान दिइने विज्ञप्तिमा उल्लेख छ ।

नेपालमा पनि कोरोना भाइरसको संक्रमण देखिएपछि अमेरिकाले नेपालमा रहेका आफ्ना नागरिक स्वदेश फर्काउने प्रक्रिया अघि बढाएको हो ।

आफ्ना नागरिकलाई स्वदेश फर्काउने कार्यतालिका सहित अरु विवरण उपलब्ध नभएको र उपलब्ध हुनेबित्तिकै सार्वजिनिक गरिने राजदूतावासको भनाइ छ ।

नेपालबाट स्वदेश फर्कन चाहने अमेरिकी नागरिकहरुलाई यस्तो अवस्थामा धैर्य गर्न समेत दूतावासले आग्रह गरेको छ ।