एजेन्सी –अर्जेन्टिना तथा बार्सिलोनाका कप्तान लियोनल मेस्सीले कोरोना भाइरस (कोभिड १९) विरुद्ध लड्न १० लाख युरो आर्थिक सहयोग गरेका छन् ।

उनले अर्जेन्टिनाको रोसारियो अस्पताल र बार्सिलोनामा रहेको अस्पताललाई आर्थिक सहयोग प्रदान गरेका हुन् ।

मेस्सीले १० लाख युरो कोभिड १९ विरुद्ध खर्च गर्ने घोषणा गरेको इएसपीएन एफसीले जनाएको छ । विश्वभर फैलिइसकेको कोरोना संक्रमणको त्रास जारी रहँदा होम क्वारेन्टाइनमा रहेका मेस्सीले सहयोग गरेका हुन् ।

यस्तै, लिभरपुलका प्रशिक्षक पेप ग्वाडिओलाले पनि १० लाख युरो कोरोनाविरुद्ध खर्च गर्नेगरि दुई अस्पतालमा सहयोग गर्ने घोषणा गरेका छन् । उनले मेडिकल कलेज अफ बार्सिलोना र एन्जल सोलेर ड्यानीयल फाउन्डेसनलाई सहयोग गर्ने बताएका छन् ।

यसअघि स्वीडेनका जाल्टन इब्रामोभिचले इटालीका कोरोना पिडीतको उपचारका लागि कोष नै स्थापना गरेका थिए ।