पेरिस– युरोपेली मुलुक फ्रान्समा पछिल्लो २४ घण्टामा कोरोना भाइरसका कारण २ सय ४० जनाभन्दा धेरैको मृत्यु भएको छ । फ्रान्सको सवास्थ्य मन्त्रालयले जनाएअनुसार यससँगै कोरोना भाइरसका कारण ज्यान गुमाउनेको संख्या फ्रान्समा १ सय १ सय पुगेको छ ।
यस्तै सोही अवधिमा फ्रान्समा कोरोना भाइरसका २ हजार ४ सय ४४ जना नयाँ संक्रमित भेटिएका छन् । फ्रान्समा कोरोना भाइरसबाट संक्रमितको संख्या २२ हजार ३ सय पुगेको अन्तर्राष्ट्रिय सञ्चारमाध्यमले जनाएका छन् ।
फ्रान्समा कोरोना भाइरसको प्रकोपलाई मध्यनजर गर्दै गत मार्च १७ देखि लकडाउन गरिएको छ । शुरुमा १५ दिनका लागि भनी शुरु गरिएको लकडाउन ६ सातासम्म लम्बिन सक्ने बीबीसीले जनाएको छ ।
प्रतिक्रिया