काठमाडौं- विश्वभर कोरोना भाइरसको संक्रमण फैलँदा ठूलो त्रास उत्पन्न भएको छ । धेरै मानिस एक ठाउँमा भेला नहुन भन्दै विभिन्न देशले ठूलो संख्यामा मानिस भेला नहुन निर्देशन दिएका छन् ।

तर जापानमा भने धेरै मानिस भेला भएका छन् । कोरोना भाइरसको त्रासै त्रासमा उत्तर पूर्वी जापानमा ओलम्पिकको मशाल हेर्न हजारौको संख्यामा मानिसहरु पुगेका छन् ।

कोरोना संक्रमणका बीच विभिन्न देशले भीडभाड नगर्न आग्रह गरिरहेका बेला जापानमा भने हजारौं जम्मा भएका हुन् । शुक्रबार मात्रै जापान आइपुगेको मशाललाई एक सादा समाहरो बीच स्वागत गरिएको थियो ।

टोक्यो ओलम्पिक २०२० लाई विश्वभरी माहामारीको रुपमा फैलिरहेका कोरोनाको कारण स्थगित गर्ने माग पनि उठिरहेको छ । सेडाईको मियागी स्टेडियममा प्रदर्शन गरिएको उक्त मशाल हेर्न करिब ५० हजार भन्दा बढी मानिसहरु जम्मा भएका थिए । स्थानीय संचार माध्यमका अनुसार सो समारोह हेर्न मानिस हरुको ५०० मिटरको लामो लाईन रहेको थियो ।

हेर्नुहोस थप तस्वीर

तस्वीर : टोकियो २०२०