काठमाडौं– कोरोना भाइरसको संक्रमणका कारण इटालीमा एकै दिन ६ सय १ जनाको मृत्यु भएको छ ।

पछिल्लो २४ घण्टामा इटलीमा ६ सय १ जनाको कोरोना भाइरसका कारण मृत्यु भएसँगै  ज्यान गुमाउनेको संख्या ६ हजार ७७ पुगेको छ ।

इटलीमा गत हप्ता शनिबार एकै दिन सबैभन्दा धेरै ७ सय ९३ को मृत्यु भएको थियो । आइतबार यो घटेर ६ सय ५१ पुगेको थियो भने सोमबार ६ सय १ जनाको मृत्यु भएको हो ।

विश्वव्यापी महामारीका रुपमा फैलिएको कोरोना भाइरसको संक्रमण पछिल्लो समय युरोपियन मुलुकमा गम्भी अवस्था सिर्जना भएको छ ।

हालसम्म विश्वभर कोरोना भाइरसको संक्रमणबाट ज्यान गुमाउनेको संख्या १६ हजार ४ सय ९५ पुगेको छ ।

३ लाख ७८ हजार ४ सय ९२ जना संक्रमित भएका छन् । जसमध्ये १ लाख १ हजार ६ सय ८ जना निको भएका छन् ।