काठमाडौं – नोबेल कोरोना भाइरसले विश्व भर महामारी फैलिरहँदा ओलम्पिक नसरे क्यानडाले खेलाडीको नपठाउने जनाएको छ ।

जापानको टोकियोमा जुलाई २४ देखि शुरु हुने तय भएको ओलम्पिक खेलकुद स्थगित नभए आफू सहभागी नहुने स्पष्ट पारेको छ ।

कोरोना भाइरसको संक्रमणलाई मध्यनजर गर्दै क्यानाडा ओलम्पिक कमिटीले जापानलाई ओलम्पिक एक वर्ष पछि सार्न अनुरोध पनि गरेको छ । यदि ओलम्पिक तोकिएको मितिमा भए आफ्ना खेलाडीले सहभागिता नजनाउने समेत क्यानाडाले बताएको हो ।

टोकियो ओलम्पिक आगामी जुलाई २४ देखि अगस्ट ९ सम्म हुने तालिका रहेको छ । आयोजक जापानले भने ओलम्पिक निर्धारित समयमै गर्न आफु तयार रहेको जानकारी दिँदै आएको छ ।

अन्तर्राष्ट्रिय ओलम्पिक कमिटि पनि टोकियो ओलम्पिक सार्ने तयारीमा रहेको अन्तर्राष्ट्रिय समाचार संस्थाले जनाएको छ ।

अन्तर्राष्ट्रिय ओलम्पिक कमिटिको आइतबारको कार्य समिति बैठकले अबको ४ हप्तामा ओलम्पिक सार्ने वा निर्धारित समयमा गर्ने भन्ने निर्णय गर्ने जनाएको छ ।