काठमाडौं – नोबेल कोरोना भाइरस (कोभिड–१९) ले गर्दा फुटबल प्रतियोगिताहरु स्थगित भएपछि सेल्फ क्वारेन्टाइनमा रहेका विश्व चर्चित फुटबलर क्रिष्टियानो रोनाल्डोले आफ्ना छोराछोरीलाई हात धुन सिकाएका छन् ।

उनले आफ्ना छोरा छोरीलाई राम्रोसँग कसरी हात धुने र कोरोना भाइरसको संक्रमणबाट जोगिन सकिन्छ भनेर हात धुन सिकाएका हुन् ।

इन्स्टाग्राममा सार्वजनिक उक्त भिडियोमा रोनाल्डोले छोरा माटेओ, छोरीहरु एलाना मार्टिन र इभालाई हात धुन तरिका सिकाइरहेका छन् । रोनाल्डोको क्लब युभेन्ट्स इटालीमा कोरोना भाइरसको आतंकसँगै बन्द रहेको छ ।

समाचार तयार पार्दासम्म इटालीमा मात्रै ४ हजार ८ सयभन्दा बढीको मृत्यु भइसकेको छ भने ४२ हजारभन्दा बढीमा संक्रमण भेटीएका छ ।

यस्तै, २ हजार ८ सय ५७ जनाको अवस्था चित्ना जनक रहेको छ भने ६ हजार ७२ जनालाई कोरोना निको भएको तथ्याङ्कले देखाएको छ ।