बेइजिङ– चीनमा कोरोना भाइरसको दोश्रो लहर देखा पर्न थालेको छ । चीनमा मुलुकभित्रै एक अर्काबाट भन्दा विदेशबाट आउनेहरु कोरोना भाइरसको संक्रमण बढि देखिन थालेको अन्तर्राष्ट्रिय सञ्चारमाध्यमले जनाएका छन् ।

आइतबार चीनमा ४६ जनामा कोरोना भाइरसको नयाँ संक्रमण देखा परेको थियो । यीमध्ये एकजना मात्रै मुलुकभित्रै संक्रमित भएको र बाँकी ४५ जना विदेशबाट आएका मानिसहरु रहेको चीनको राष्ट्रिय स्वास्थ्य आयोगले जनाएको छ ।

यसअघि चार दिनसम्म चीनले कोही पनि मुलुकभित्रै संक्रमित भएका पुष्टि नभएको दाबी गरेको थियो ।

चीनमा हालसम्म कोरोना भाइरसबाट ८१ हजार ३ सय जनाभन्दा धेरै संक्रमित छन् । यीमध्ये ३ हजार २ सय जना संक्रमितको मृत्यु भइसकेको छ भने ७२ हजार भन्दा धेरै निको भइसकेका छन् ।