काठमाडौं– कोरोना भाइरसको त्रास बढेसँगै डेन्टल क्लिनिकहरु बन्द हुने भएका छन् ।
नेपाल डेन्टल एसोसिएसनले विज्ञप्ति जारी गर्दै मुखबाट निस्कने र्यालका थोपाबाट कोरोना भाइरस सर्ने सम्भावना धेरै हुने भएका कारण सबै डेन्टल क्लिनिकहरुलाई दुई साताका लागि बन्द गर्न आग्रह गरेको हो ।
त्यस्तै एसोसिएसनले डेन्टल कलेज र डेन्टल हस्पिटलमा आकस्मिक सेवा मात्र सञ्चालित हुने पनि स्पष्ट पारेको छ ।
एसोसिएसनले कोरोना भाइरसको जोखिम कम गर्नका लागि चिकित्सकहरुलाई पर्सनल प्रोटेक्टिभ इकुपमेन्टको प्रयोग गर्न समेत आग्रह गरेको छ ।
प्रतिक्रिया