काठमाडौं– पाँचौ साफ महिला च्याम्पियनसिपको फाइनलमा नेपाली महिला टोली र भारतीय टोलीले उपाधिका लागि प्रतिस्पर्धा गर्दैछन् । विराटनगरको सहिद मैदानमा आज (शुक्रबार) दिउँसो ३ बजे शुरु हुने खेलमा नेपाली महिला टोलीले भारतविरुद्ध जीत हात पार्दैै इतिहास रच्ने लक्ष्यमा रहेको छ ।

अहिलेसम्मका साफमा नेपाली टोलीको बाधक बनेको भारतलाई घरेलु मैदानमा हराउँदै ऐतिहासिक सफलता हात पार्ने नेपाली टोलीका मुख्य प्रशिक्षक हरि खड्काले बताइसकेका छन् । यद्यपि, खड्काले फाइनल ‘टफ’ हुने आशंका गरेका छन् । उनले आजको दिनलाई नेपाली टोलीको दिन भएको सकेत बताए ।

लगातार तीन खेलमा उत्कृष्ट लय देखाएको नेपाली महिला टोलीले भारतसँग पनि आफ्नो लय कायम राख्न्ुा पर्ने प्रशिक्षकले बताएका थिए । सन् २०१०, २०१२ र २०१४ गरी ३ पटक नेपाली महिला टोली साफको फाइनलमा पुगेको थियो । तीनै पटक नेपालका लागि तगारो बनेको थियो भारत ।

भारतमाथि जीत हात पार्न नेपाली टोलीले अन्य टोली भन्दा बढी मेहनत गर्नु पर्ने प्रशिक्षक खड्काले बताएका थिए ।

लगातार चार पटकको साफ च्याम्पियन भारत आफ्नो रेकर्डलाई कायम राख्ने योजनामा रहेको भारतीय प्रशिक्षक मायामोल रक्कीले बताएकी थिइन् ।