म्याग्‍दी — म्याग्दीको रघुगंगा गाउँपालिकामा जीप दुर्घटना हुँदा ९ जना घाइते भएका छन् । घाइते मध्ये दुई जनाको अवस्था गम्भीर रहेको छ ।

रघुगंगा गाउँपालिका–४ दग्नामको कान्छीगाउँबाट बेनीआउँदै गरेको ग २ च ५९८८ नम्बरको जिप दुर्घटनामा परेको हो । रोकिराखेको जिप एक्कासी गुडेर सडकबाट लत खसेको थियो ।

प्रहरीले रोकिराखेको जिपमा चढेका बालबालिकाले गियर चलाउँदा जिप दुर्घटनामा परेको प्रारम्भिक अनुमान गरेको छ । प्रहरी नायब उपरीक्षक किरणजंग कुँवरका अनुसार घटनजाको अनुसन्धान भइरहेको छ ।

बेनी अस्पतालमा घाइतेहरुको उपचार भरहेको प्रहरीले जानकारी दिएको छ । गम्भीर घाइते दुई जनालाई थप उपचारका लागि हेलिकोप्टरबाट पोखरा पुर्‍याइएको प्रहरीले जनाएको छ ।