काठमाडौं- पूर्वमन्त्री गोकुल बाँस्कोटाको भक्तपुरस्थित घरमा बम विस्फोट गराएको आरोपमा प्रहरीले तीन जनालाई पक्राउ गरेको छ ।
प्रहरीले राजधानीका विभिन्न स्थानबाट तीन जनालाई पक्राउ गरेको बताए पनि उनीहरुको पहिचान भने खुलाएको छैन । महानगरीय अपराध महाशाखाको टोलीले उनीहरुलाई विहीबार साँझ पक्राउ गरेको हो ।
पक्राउ परेका उनीहरुलाई शुक्रबार दिउसो पत्रकार सम्मेलन गरेर सार्वजनिक गरिने महाशाखाका प्रमुख एसएसपी सहकुल थापाले जानकारी दिए ।
गत फागुन २८ गते पूर्व सूचना तथा सञ्चार प्रविधिमन्त्री बाँस्कोटाको घरमा बम विस्फोट भएको थियो । सोही दिन विस्फोटमा संलग्न रहेको भन्दै प्रहरीले देवी बहादुर गुरुङलाई पक्राउ गरेको थियो ।
प्रतिक्रिया