काठमाडौं– कोरोना भाइरस संक्रमणको सन्त्रास बढिरहँदा सरकारले भीडभाड गरी सार्वजनिक सवारी साधनमा यात्रा नगर्न अनुरोध गरेको छ ।

कोरोना भाइरस संक्रमण नियन्त्रण तथा रोकथामका लागि उपप्रधान एवं रक्षामन्त्री ईश्वर पोखरेलको संयोजकत्वमा गठित उच्चस्तरीय समितिको बुधवार सिंहदरवारमा बसेको बैठकले यस्तो निर्णय गरेको हो ।

उक्त निर्णयमा भनिएको छ – अब सार्वजनिक सवारीसाधनमा सीट क्षमताभन्दा बढी यात्रु ओसारपसार नगर्न, नगराउन यातायात व्यवसायीलाई अनुरोध गर्ने । सबै सर्वसाधरण नागरिकलाई भीडभाड गरी यात्रा नगर्न अनुरोध नगर्ने ।

त्यस्तै सार्वजनिक सवारी साधनका सवारी धनीलाई यातायात चलाउनुअघि प्रत्येक दिन समय–समयमा ‘डिस्इन्फेक्सन’ गर्न लगाउने बैठकले निर्णय गरेको छ ।

कार्य अनुगमनको जिम्मा नेपाल प्रहरी र यातयात व्यवस्था विभागलाई दिने निर्णय बैठकले गरेको छ ।