कामना न्युज पब्लिकेसन (नेपाल समाचारपत्र राष्ट्रिय दैनिक) का प्रधान सम्पादक पुष्करलाल श्रेष्ठको स्वास्थ्यमा समस्या देखिएको छ ।

स्वास्थ्यमा समस्या देखिएपछि सम्पादक श्रेष्ठ केही दिन यता ललितपुरको भैंसेपाटीस्थित नेपाल मेडिसिटी अस्पतालमा उपचाररत छन् । उनको सघन उपचार कक्ष (आईसीयू)मा राखेर  उपचार भइरहेको अस्पताल स्रोतले जानकारी दिएको छ ।

करिब चार महिना अघि नाकमा समस्या भएका कारण राजधानीको बयोधामा नाकको र ब्लुक्रसमा मृगौलाको पत्थरीको शल्यक्रिया गरिए पनि उनको स्वास्थ्यमा पूर्णरुपमा सुधार हुन सकेको थिएन ।

उनी चिकित्सकको परामर्शमा रहँदै आएका थिए ।  नियमित उपचार प्रक्रिया चल्दै गर्दा गत आइतबार स्वास्थ्य समस्या देखिएपछि उनलाई मेडिसिटी अस्पतालमा भर्ना गरिएको हाे ।