काठमाडौं–नेपाल मेडिकल काउन्सिलले  एमबीबीएस तथा बीडीएसको दर्ता प्रमाणपत्र (लाइसेन्स) परीक्षा अनिश्चितकालका लागि स्थगित गरेको छ ।

कोरोना भाइरसको संक्रमण महामारीका रुपमा विश्वभर फैलिरहेको र नेपाल पनि कोरोना भाइरस संक्रमणको उच्च जोखिममा रहेकाले काउन्सिलले आगामी शनिबार हुने लाइसेन्स परीक्षा स्थगित गरेको हो ।

काउन्सिलका अध्यक्ष अध्यक्ष प्राडा भगवान कोइरालले देशभर कोरोना भाइरसको त्रास परीक्षाका कारण भिडभाड हुने भएकाले परीक्षा स्थगित भएको जानकारी दिए ।

डा कोइरालाका अनुसार परीक्षामा सहभागी हुन १ हजार ६७ जनाले परीक्षा फारम भरेका थिए ।

काउन्सिलले एमबीबीएस तथा बीडीए अध्ययन पूरा गरेकालाई हरेक वर्ष तीन पटक लाइसेन्स परीक्षाको आवेदन खुलाउने गरेको छ ।आगामी शनिबार चैत ८ गते काउन्सिलको यो शैक्षिक शत्रको अन्तिम लाइसेन्स परीक्षा तोकिएको थियो ।