वार्सा– पोल्याण्डका वातावरण मन्त्रीमा कोरोना भाइरसको पुष्टि भएपछि पोलिस मन्त्रिपरिषद्को पछिल्लो बैठकमा उपस्थित सबै सदस्यलाई कोरोना भाइरसको परीक्षण गरिएको छ ।

पोल्याण्डका वातावरण मन्त्री हेनरिक कोवाल्स्कले सोमबार आफूमा कोरोना भाइरसको पुष्टि भएको जनाएका थिए ।

वातावरण मन्त्रीले आफूमा कोरोना भाइरसको संक्रमण पुष्टि भएको बताएपछि पछिल्लो मन्त्रिपरिषद् बैठकमा उपस्थित सबै मन्त्रीहरुमा कोरोना भाइरसको परीक्षण गर्नुपरेको त्यहाँको प्रधानमन्त्री कार्यालयले जनाएको छ ।

यद्यपि पछिल्लो मन्त्रिपरिषद् बैठकमा प्रधानमन्त्री लुकास सुमोवोस्की भने उपस्थित नरहेको अन्तर्राष्ट्रिय सञ्चारमाध्यमले जनाएका छन् ।

विश्वभर फैलिएको कोरोना भाइरसबाट पोल्याण्डमा हालसम्म १७७ जनामा संक्रमण पुष्टि भइसकेको छ भने ४ जनाको मृत्यु भइसकेको छ ।