लमजुङ– हिमाली जिल्ला मनाङमा कोरोना भाइरसबाट जोगिन सतर्कता अपनाइएको छ । कोरोनाबाट जोगिन जिल्लास्थित नासो गाउँपालिका १ धारापानीमा हेल्थ डेस्क स्थापना गरी बिहीबारदेखि पर्यटकको स्वास्थ्य चेकजाँच गर्न थालिएको हो ।

मनाङ नासों गाउँपालिका ,जिल्ला प्रशासन कार्यालय , जिल्ला स्वास्थ्य कार्यालय, जिल्ला अस्पातल मनाङ र एक्याप धारापानी चेकपोष्टको संयुक्त पहलमा हेल्थ डेस्क स्थापना गरिएको मनाङका प्रमुख जिल्ला अधिकारी पुष्पराज पौडेलले बताए । प्रजिअ पौडेलका अनुसार डेस्कमा बिहान ८ बजेदेखि साँझ ६ बजेसम्म स्वास्थ्य जाँच गरिनेछ ।

अन्नपुर्ण पदमार्गको पर्यटकको प्रमुख गन्तव्य मनाङमा दैनिक ५ सय बढी पर्यटक आउने भएकाले पर्यटकलाई समेत परीक्षण गरेर जिल्लामा प्रवेश गराउने उद्देश्यकासाथ हेल्थ हेस्क स्थापना गरिएको मनाङका प्रमुख जिल्ला पौडेलले बताए ।

कोरोना भाईरस (कोभिड –१९) छिमेकी राष्ट्र भारतमा पनि देखापरेको र मनाङसँग चिन जाडीएकाले खु्ला सिमानाका कारण मनाङको धारापानीमा स्वास्थ्य परिक्षणका लागि नासो गाउँपालिकाले हेल्थ डेस्क स्थापना गरेको नासो गाउँपालिकाका अध्यक्ष चन्द्र घलेले बताए ।

उनले कोरोना संक्रमण विश्वव्यापी समस्या भएकोले यसको संक्रमणबाट जोगिन प्रचारप्रसार र सचेतनाका कार्यक्रम आवश्यक रहेको बताए ।