सुर्खेत- सुर्खेतमा कोरोना भाइरस संक्रमणको आशंका गरिएका एक जना बिरामीको स्थास्थ्य परीक्षणको रिपोर्ट नेगेटिभ आएको छ ।

उनको स्वास्थ्य परीक्षणको रिपोर्ट नेगेटिभ देखिएसँगै आइसोलेनमा राखिएका ती बिरामीमा कोरोना भाइरस नभएको पुष्टि भएको हो।

उनी काठमाडौंबाट सुर्खेत जहाजमा आएका ती व्यक्तिलाई १००.५ डिग्री ज्वरो देखिएपछि चिकित्सकको टोलीले आइसोलेसनमा राखेर उपचार थालेको थियो।

१००.४ डिग्रीभन्दा बढी ज्वरो देखिएकालाई आइसोलेसनमा राखेर उनको उपचार थालिएको स्वास्थ्य सेवा निर्देशनालयका निर्देशक रीता भण्डारी जोशीले जानकारी दिइन्।

ती व्यक्ति जापानबाट कोरिया हुँदै नेपाल आएको हुँदा पनि उनीमा कोरोनाको संक्रमण भएको हुनसक्ने आशंका गरिएको थियो ।