काठमाडौं– त्रिभुवन अन्तर्राष्ट्रिय विमानस्थलबाट अवैध अमेरिकी डलर र नेपाली रुपैयाँसहित १ जना सिंगापुर नागरिक पक्राउ परेका छन् ।

सोमबार बेलुकी सिल्क एयरको विमानमार्फत काठमाडौंबाट सिंगापुर जान लागेको अवस्थामा सिंगापुर नागरिक ५७ वर्षी टान घिम चियोङ पक्राउ परेका हुन् ।

राहदानी नम्बर के–०९२६००२जी वाह टानको साथबाट ११ हजार २ सय ७७ अमेरिकी डलर १ लाख २१ हजार ६ सय १५ नेपाली रुपैयाँ बरामद भएको महानगरीय प्रहरी कार्यालय रानीपोखरीले जानकारी दिएको छ ।

टानले बोकेको ह्याण्ड ब्याक चेकजाँच गर्ने क्रममा त्यसभित्र अवैध अमेरिकी डलर र नेपाली रुपैयाँ फेला परेको प्रहरीले जनाएको छ ।

प्रहरीले घटनाको सम्बन्धमा थप अनुसन्धान भइरहेको जनाएको छ ।