काठमाडौं – कोरोनाभाइरसको संक्रमण रोक्न गरिएका अनेकौं प्रयासका बाबजुद महामारी फैलिएपछि इटालीले मुलुकका सबै नाका बन्द गरेको छ ।
इटलीका सबै २० वटै प्रान्तमा आपतकालिन अवस्थामा बाहेक हिँडडुल गर्न प्रतिबन्ध लगाइएको छ। बाहिर हिड्नै परे पनि बिशेष अनुमति लिनुपर्ने व्यवस्था गरिएको छ ।
इटलीका प्रधानमन्त्री ज्युसेप कोन्टेले मानिसहरूलाई घरमै बस्न र अत्यावश्यक यात्रामा निस्कनुपरे अनुमति लिन आदेश दिएका छन् ।
इटलीमा गएको २४ घण्टामा मात्रै कोरोना संक्रमणका कारण थप ९७ जनाको मृत्यु भएपछि ज्यान गुमाउनेको संख्या ४ सय ६३ पुगेको छ । ९ हजार १ सय ७२ जनामा संक्रमण देखिएको छ ।
प्रतिक्रिया