काठमाडौं– नेपालका लागि जर्मन राजदूत रोलाण्ड शाफरले लैंगिक समानताका लागि युरोपेली युनियन इयूको जेण्डर च्याम्पियनको जिम्मेवारी सम्हालेका छन् ।

उनले आइतबारबाट उक्त जिम्मेवारी सम्हालेको जर्मन दूतावासले जारी गरेको विज्ञप्तिमा उल्लेख छ । उनले आगामी ६ महिना यस जिम्मेवारीमा रही काम गर्नेछन् ।

यसअघि इयूका जेण्डर च्याम्पियनको जिम्मेवारी फिनल्याण्डका राजदूत पेर्टी आन्टिननले सम्हाल्दै आएका थिए ।

जर्मन राजदूतलाई फिन्निस राजदूतले उक्त जिम्मेवारी हस्तान्तरण गरेको जर्मन दूतावासले जनाएको छ । उनले कार्यक्षेत्रमा लैंगिक समानता र द्वन्द्वमा महिलाको अवस्थालाई मध्यनजर गरी काम गर्नेछन् ।

विश्वमा महिला तथा बालिकाको हितका लागि ईयूको जेण्डर च्याम्पियनले प्रयास गर्दै आएको छ ।