वीरगन्ज– सशस्त्र प्रहरी बल (एपीएफ)को टोलीले वेवारिस अवस्थामा ३ किलो चाँदीका गहना फेला पारेको छ ।

वीरगन्जबाट काठमाडौंतर्फ जाँदै गरेको ना ५ ख ५८६८ नम्बरको बस चेकजाँच गर्ने क्रममा झोलामा राखिएको अवस्थामा चाँदीका गहना फेला परेका सशस्त्र प्रहरी बलले जनाएको छ ।

सशस्त्र प्रहरी बलको नम्बर १४ गुल्म र नम्बर १५ गुल्म पर्साबाट खटिएको टोलीले बस चेकजाँच गर्ने क्रममा वेवारिसे अवस्थामा चाँदीका गहना फेला पारेको थियो ।

बसमा फेला परेका चाँदीका गहनाहरु भन्सार छलि गरेर अवैध रुपमा भारतबाट भित्र्याइएको हुन सक्ने सशस्त्र प्रहरीको भनाइ छ ।

बरामद भएको गहनाको बजार मूल्य करिब १ लाख ३९ हजार ३ सय ८ रुपैयाँ रहेको जनाइएको छ ।

बरामद भएको गहना भन्सार कार्यालय वीरगन्जमा बुझाइएको सशस्त्र प्रहरी बलले जनाएको छ ।