काठमाडौं – आज र भोलि होली । पहाडी जिल्लामा आज बुधवार होलीलाई रंगहरुको पर्वका रुपमा मनाइन्छ । यसैबीच फिल्म ‘यात्रा’ टिमले पनि होली खेलेका छन् ।

निर्माण टिमले एकअर्कालाई रंग लगाइदिँदै होली मनाएको हो ।

पहिलो सिनेमाबाटै चर्चामा आएका सलिनमान बनियाँले टिमसँग होली मनाउँदै खुशी साटे । उनीसँगै फिल्मकी डेब्यु नायिका मलिका महत, यस्तै जाह्नवी बस्नेत, प्रेक्षा बज्राचार्य, विशाल सापकोटा, विशाल राई, निर्देशक सम्राट शाक्य लगायतको टिमले एकसाथ होली खेलेर रमाए ।

फिल्मको कुरा गर्नुपर्दा यो फिल्म नयाँ वर्षको अवसर पारेर चैत्र २९ गतेदेखि रिलिज हुँदैछ । फिल्म यात्राका क्रममा भेटिएको एउटा कथामा आधारित छ । फिल्मको निर्देशक सम्राट शाक्यले गरेका हुन् ।