काठमाडौं– अर्थमन्त्री डा युवराज खतिवडा प्रधानमन्त्री केपी शर्मा ओलीलाई भेट्न अस्पताल पुगेका छन् ।

आजबाट राष्ट्रियसभा सदस्यको कार्यकाल सकिएसँगै अर्थमन्त्री डा खतिवडा प्रधानमन्त्रीलाई भेट्न अस्पताल पुगेका हुन् ।

प्रधानमन्त्री केपी शर्मा ओली मिर्गौला प्रत्यारोपणका लागि सोमबार साँझ त्रिवि शिक्षण अस्पताल महाराजगञ्ज भर्ना भएका छन् ।

प्रधानमन्त्रीसँग भेटका लागि गएका अर्थमन्त्री डा खतिवडालाई सञ्चारकर्मीले मन्त्री पद र राष्ट्रिय सभा सदस्यबारे जिज्ञासा राखेका थिए ।
उनले अझै एक दिन कुर्नुस थाहा भइहाल्छ भन्ने जवाफ दिए ।

‘आज २० गते भयो । एकदिन अझै कुर्नुस् थाहा भइहाल्छ,’ खतिवडाल भने ।

राजीनामा लगत्तै प्रधानमन्त्री केपी ओलीले खतिवडालाई मन्त्रीमा पुनर्नियुक्त गर्ने नेकपा संसदीय दलका उपनेता सुवास नेम्वाङले जानकारी दिए ।

नेम्वाङका अनुसार संवैधानिक प्रावधान अनुसार खतिवडालाई राजीनामा लगत्तै अर्थमन्त्रीमा पुनः नियुक्त गर्न लागिएको हो ।